ავტორიზაცია
 
  • 13:05 – 27, 29 და 31 მარტს რუსთავის ნაწილს წყალმომარაგება შეეზღუდება 
  • 11:58 – "ვაი, რა ცუდი საყურებელია რაც რუსთავი 2-ზე გადის" - ნანუკა ჟორჟოლიანი 
  • 22:06 – მიხეილ სააკაშვილის განცხადება რომელიც ახლახანს გავრცელდა 
  • 17:50 – "ვისაც ჩემი ხელფასი გალაპარაკებთ" - ნიკა გვარამია განცხადებას ავრცელებს 
loading...
Загрузка...

მარიხუანას მოხმარებისთვის ადმინისტრაციული პატიმრობაც გაუქმდა

.
მარიხუანას მოხმარებისთვის ადმინისტრაციული პატიმრობაც გაუქმდამცირე ოდენობით მარიხუანის მოხმარებისთვის, ასევე მოხმარების მიზნით შეძენის, შენახვისა და დამზადებისთვის პატიმრობა - არაკონსტიტუტიცურია.

საქართველოს საკონსტიტუციო სასამართლომ არაკონსტიტუციურად და ძალადაკარგულად სცნო საქართველოს სახალხო დამცველის მიერ გასაჩივრებული ნორმების ნორმატიული შინაარსი. კერძოდ, საქართველოს სახალხო დამცველი ითხოვს საქართველოს სისხლის სამართლის კოდექსის 273-ე მუხლითა და საქართველოს ადმინისტრაციულ სამართალდარღვევათა კოდექსის 45-ე მუხლით გათვალისწინებული საპატიმრო სანქციების არაკონსტიტუციურად ცნობას საქართველოს კონსტიტუციის მე-17 მუხლის პირველ და მე-2 პუნქტებთან მიმართებით.

"მოქმედი კანონმდებლობით მცირე ოდენობით ნარკოტიკული საშუალების მოხმარებისთვის, ასევე მოხმარების მიზნით შეძენის, შენახვისა და დამზადებისთვის სანქციად გათვალისწინებულია თავისუფლების აღკვეთა, რაც სახალხო დამცველის აზრით არ შეესაბამება ჩადენილი ქმედების სიმძიმეს, ზედმეტად მკაცრია და წარმოადგენს ღირსების შემლახველ სასჯელს.

საქართველოს საკონსტიტუციო სასამართლომ მიიჩნია, რომ მცირე ოდენობით მარიხუანის მოხმარების, ასევე მოხმარების მიზნით შეძენის, შენახვისა და დამზადების ნაწილში ნორმები იმეორებდა საკონსტიტუციო სასამართლოს მიერ უკვე არაკონსტიტუციურად ცნობილი ნორმის შინაარსს. სასამართლომ ნორმის ეს ნაწილი არაკონსტიტუციურად სცნო გამარტივებული წესით, განმწესრიგებელი სხდომის განჩინებით.

საკონსტიტუციო სასამართლომ წარმოებაში მიიღო სარჩელი სადავო ნორმების იმ შინაარსთან დაკავშირებით, რომელიც ითვალისწინებს თავისუფლების აღკვეთას სხვა ტიპის ნარკოტიკული საშუალებების მცირე ოდენობით მოხმარებისთვის, ასევე მოხმარების მიზნით შეძენის, შენახვისა და დამზადებისათვის", - ნათქვამია სახალხო დამცველის განცხადებაში.

წყარო: tabula.geскачать dle 10.5фильмы бесплатно
Загрузка...
კომენტარის დატოვება
ჩვენ Facebook-ზე

Загрузка...

Ads
yX Media - Monetize your website traffic with us
loading...