ავტორიზაცია
 
  • 20:33 – 9 კითხვა, რომელსაც პასუხს ვერ გასცემთ 
  • 00:11 – „განდაგანა“ - ებრაელების ახალი ჰიტი 
  • 16:14 – ერთიანი ნაციონალური მოძრაობა სკანდალურ განცხადებას ავრცელებს 
  • 13:21 – ინგა გრიგოლიას განცხადება რომელიც ახლახანს გავრცელდა 
loading...
loading...

მერაბიშვილს, კოდუასა და სირაძეს ვალერი გელაშვილის საქმეზე პატიმრობა მიესაჯათ

.
მერაბიშვილს, კოდუასა და სირაძეს ვალერი გელაშვილის საქმეზე პატიმრობა მიესაჯათ

თბილისის საქალაქო სასამართლომ ვალერი გელაშვილის ცემის საქმეზე რამდენიმე ყოფილი მაღალჩინოსანი დამნაშავედ ცნო. ვანო მერაბიშვილს 6 წლით და 9 თვით თავისუფლების აღკვეთა მიესაჯა.
სპეციალური ოპერატიული დეპარტამენტის მაღალჩინოსნებს ერეკლე კოდუას და გია სირაძეს კი 9-9 წლით პატიმრობა მიესაჯათ. მოსამართლემ გადაყვწეტიელბა დღეს გამოაცხადა.
საქმე ეხება 2005 წელს სპეციალური დეპარტამენტის თანამშრომლების მიერ ვალერი გელაშვილის ცემის ფაქტს, რომელიც გამოძიების ინფორმაციით, პირადი ანგარიშსწორების მიზნით მოხდა. საუბარია უფლებამოსილების გადამეტებასა და ჯანმრთელობის განზრახ მძიმე დაზიანებაზე. საქმეზე 2014 წლიდან ხელახალი გამოძიება დაიწყო.
„ეს მოხდა რეზიდენციის მშენებლობის პერიოდში, როდესაც 2003 წელს მე ჩემს სახლს ვამთავრებდი და როდესაც 2003 წელს ხელისუფლება შეიცვალა, მიხეილ სააკაშვილს მოუნდა ჩემს სახლში დასახლება და თქვა მან, რომ ის სახლი სახელმწიფოსთვის მიმეყიდა. რეესტრის შემდეგ, როდესაც საქმე მივიდა თანხის გადახდამდე, მათ უარი განაცხადეს თანხის გადახდაზე, რასაც ჩემგან მოჰყვა ადეკვატური რეაქცია,“-განაცხადა ვალერი გელაშვილმა.
საქმის პროკურორის ინფორმაციით, ჩვენება ვანო მერაბიშვილისა და მიხეილ სააკაშვილის წინააღმდეგ, თავდაცვის ყოფილმა მინისტრმა ირაკლი ოქრუაშვილმა მისცა.
„ირაკლი ოქრუაშვილმა დაადასტურა, რომ თათბირზე, სადაც იყო მიხეილ სააკაშვილი, ივანე მერაბიშვილი და ირაკლი ოქრუაშვილი, მიხეილ სააკაშვილმა უშუალოდ მას დაავალა, რომ ანგარიშსწორება მომხდარიყო ვალერი გელაშვილზე და ამ დროს მას ივანე მერაბიშვილი მას აქეზებდა და აგულიანებდა, რომ ეს არავის არ უნდა შერჩენოდა,“-განაცხადა საქმის პროკურორმა არჩილ ტყეშელაშვილმა.
განაჩენს არ ეთანხმება დაცვის მხარე და საქმის მოწმეებს ნინო ბურჯანაძეს და ირაკლი ოქრუაშვილს შურისძიებაში ადანაშაულებს.
„ვინ სცემა გელაშვილი ეს პროკურატურამ უნდა გამოიძიოს და გიპასუხოთ, რაც შეეხება ივანე მერაბიშვილს, ამ განაჩენში არის ორი ადამიანის ჩვენება ვანო მერაბიშვილს ვინც ახსენებს, ეს გახლავთ ირაკლი ოქრუაშვილი და ნინო ბურჯანაძე. ერთიც და მეორეც ყოველთვის საჯაროდ აფიქსირებდნენ, რომ არ გაუშვებდნენ ყოფილი მაღალი თანამდებობის პირების მიმართ შურისძიების შანსს,“-აღნიშნა ადვოკატმა გიორგი ჩივიაშვილმა.
скачать dle 10.5фильмы бесплатно
loading...
კომენტარის დატოვება
ჩვენ Facebook-ზე

Ads
loading...