ავტორიზაცია
 
  • 16:44 – პირველ ქართველ უვიზო მგზავრებს ევროპის აეროპორტებში კონსულები დახვდნენ 
  • 15:06 – მიხეილ სააკაშვილი ტელეწამყვანი ხდება 
  • 13:54 – "სკანდალი "ქრონიკა+"-ში" 
  • 12:58 – ეკა ბესელია სკანდალურ ინფორმაციას ავრცელებს 
loading...
Загрузка...

ნოვაკ ჯოკოვიჩი: “მე და როჯერს ჩოგბურთი სიგიჟემდე გვიყვარს - ესაა ჩვენი მოტივაცია”

.
ნოვაკ ჯოკოვიჩი: “მე და როჯერს ჩოგბურთი სიგიჟემდე გვიყვარს - ესაა ჩვენი მოტივაცია”

2007 წლის მსგავსად ამერიკის ღია პირველობის მამაკაცთა ერთეულთა ტურნირის ჩემპიონი ნოვაკ ჯოკოვიჩისა და როჯერ ფედერერის ფინალმა გამოავლინა. თუკი 8 წლის წინათ შვეიცარელმა სერბს 7:6, 7:6, 6:4, ამჯერად “ნოლემ” 6:4, 5:7, 6:4, 6:4 იმარჯვა და საჩოგბურთო კარიერის განმავლობაში თავისი საიუბილეო, მეათე სადიდსლემო შეჯიბრება მოიგო.

წვიმის გამო რამდენიმე საათით გადადებული გადამწყვეტი მატჩი 3 საათსა და 23 წუთს გაგრძელდა. რეიტინგსიის ლიდერმა 6 ბრეიკი და 3 ეისი შეასრულა, 34 წლის როჯერის ანგარიშზე კი 4 ბრეიკი და 11 ეისია. ფედერერი და ჯოკოვიჩი ერთმანეთს 42-ედ დაუპირისპირდნენ და სადღეისოდ კლასიფიკაციის მოწინავე პოზიციებზე მყოფი 2 ჩოგბურთელის შეხვედრათა ბალანსი თანაბარია 21:21.

ნოვაკ ჯოკოვიჩმა თავისი მეათე სადიდსლემო ტურნირი მოიგო და ამჟამად 3 მოქმედი ჩოგბურთელია, რომელთაც ამ რანგის ასპარეზობები 10-ჯერ ან მეტად მოუგიათ (ჩოგბურთის ისტორიაში ამგვარი რამ პირველად მოხდა) – ფედერერის ანგარიშზე 17 ამგვარი ტიტულია, ესპანელი რაფა ნადალისა კი 14. აქვე მოგახსენებთ, რომ ნახსენები ტრიოს გარდა, დიდი სლემის შეჯიბრებები 10-ჯერ და მეტჯერ ამერიკელ ბილ ტილდენს (10), ავსტრალიელ როდ ლეივერს (11), შვედ ბიორნ ბორგს (11), ავსტრალიელ როი ემერსონს (12) და ამერიკელ პიტ სამპრასს (14) მოუგიათ.

წლეულს როჯერ ფედერერი მეშვიდედ გავიდა აშშ-ის ღია პირველობის ფინალში. 2004, 2005, 2006, 2007, 2008 წლებში მან საჩემპიონო ტიტული მოიპოვა, 2009-ში კი არგენტინელ ხუან მარტინ დელ პოტროსთან წააგო. ჯოკოვიჩს რაც შეეხება, სერბმა მეექვსედ ითამაშა ნიუ იორკში გადამწყვეტ მატჩში. წინა სეზონების ფინალებიდან ნოვაკმა ერთადერთი მატჩი მოიგო – 2011-ში რაფა ნადალს სძლია.

“ვსარგებლობ მომენტით და ჩემი აღტაცება მსურს დავუდასტურო ყველა დროის საუკეთესო მოთამაშე როჯერ ფედერერს. მან თავისი ფენომენალური კარიერით ჩოგბურთის განვითარებას უდიდესი სამსახური გაუწია. ფინალს რაც შეეხება, ურთულესი გადამწყვეტი მატჩი გამოგვივიდა. სეზონის განმავლობაში პირველად ვითამაშე ოთხივე დიდი სლემის ტურნირის ფინალში, რომელთაგან სამში ვიმარჯვე. მართლაც ბრწყინვალე სეზონი მქონდა. როგორც როჯერს, ჩოგბურთი მეც სიგიჟემდე მიყვარს. სწორედ ესაა ჩვენი მოტივაცია”, - განაცხადა ფინალის დასრულების შემდეგ 28 წლის ნოვაკ ჯოკოვიჩმა.

“გადამწყვეტ მატჩში წაგების მიუხედავად, ტურნირზე გამოსვლით უკმაყოფილო არ ვარ – მე ხომ ბოლო 6 წლის განმავლობაში პირველად გავაღწიე აშშ-ის ღია პირველობის ფინალში. კარგი მატჩი გამოგვივიდა და ნოვაკს მორიგ საჩემპიონო ტიტულს ვულოცავ. ჩოგბურთს ძველებური ჟინით ვთამაშობ, ასე რომ, მომავალ შეხვედრამდე ნიუ იორკში”, - ეს სიტყვები ფედერერმა გადამწყვეტი ასპარეზობის დასრულების შემდეგ წარმოსთქვა.
www.worldsport.ge
ნოვაკ ჯოკოვიჩი: “მე და როჯერს ჩოგბურთი სიგიჟემდე გვიყვარს - ესაა ჩვენი მოტივაცია”скачать dle 10.5фильмы бесплатно
Загрузка...
Загрузка...
კომენტარის დატოვება
ჩვენ Facebook-ზე

Загрузка...

Ads
yX Media - Monetize your website traffic with us
loading...