ავტორიზაცია
 
  • 00:17 – ბიძინა ივანიშვილის ნათესავი საფრანგეთის კლინიკაში უსახსრობის გამო გარდაიცვალა 
  • 23:12 – სააკაშვილი უკრაინის ელჩად საქართელოში?! 
  • 18:57 – ნინო ბურჯანაძე სკანდალურ განცხადებას ავრცელებს 
  • 18:08 – გოგა ხაინდრავა სკანდალურ ინფორმაციას ავრცელებს 
loading...
Загрузка...

ვაგონების მოდერნიზაცია თბილისის მეტროში

.
ვაგონების მოდერნიზაცია თბილისის მეტროშითბილისის მერი დავით ნარმანია და მერის მოადგილე ირაკლი ლექვინაძე, სატრანსპორტო კომპანიის გენერალურ დირექტორ ნუგზარ ჭეიშვილთან ერთად, თბილისის სატრანსპორტო კომპანიის საკუთრებაში არსებულ სარემონტო ქარხანაში იმყოფებოდნენ, სადაც მეტროს ვაგონების მოდერნიზაცია მიმდინარეობს. 2016 წელს 12 ვაგონი გარემონტდება, აქედან ოთხი ძველი ვაგონი უკვე კაპიტალურად შეკეთებულია, ხოლო გასული წლების განმავლობაში მოდერნიზებული 8 ვაგონი გათვალისწინებული ვადის ბოლომდე გარემონტდება.
თბილისის მერის თქმით, თბილისის მეტროს ვაგონების მოდერნიზაცია აქტიურ ფაზაში შევიდა, რაც ქალაქის თანამედროვე სატრანსპორტო სისტემის განვითარებისთვის ძალიან მნიშვნელოვანია.

„ამ ეტაპზე ერთი მოძრავი შემადგენლობა, რომელიც ოთხი ვაგონით არის განსაზღვრული, უკვე შევა ექსპლუატაციაში, ასევე, განახლდება დამატებით 8 ვაგონი. არსებული რესურსების ფარგლებში სულ 12 ვაგონის მოდერნიზაცია განხორციელდება. აღნიშნულ ქარხანაში დასაქმებულია 150-ზე მეტი ადამიანი. ჩვენ ეტაპობრივად მივყვებით მოდერნიზაციას პროექტს, რათა ის ვაგონები, რომლებსაც 1 მილიონ კილომეტრზე მეტი აქვს გავლილი, აუცილებელი წესით განახლდეს. მნიშვნელოვანია, რომ ამ პროცესში ჩვენ ვიყენებთ თანამედროვე ტექნოლოგიებს, რომელიც უფრო ენერგოეფექტურია და კეთილსაიმედო, ამიტომ ეს განახლებული ვაგონები გაცილებით უსაფრთხო და კომფორტული იქნება, ვიდრე ადრე განახლებული ვაგონები“ - განაცხადა დავით ნარმანიამ.

ვაგონების მოდერნიზაცია გულისხმობს მოძრავი შემადგენლობის კაპიტალურ განახლებასა და თანამედროვე სისტემების ინსტალაციებს - მთლიანად იცვლება ვაგონის ინტერიერი, ექსტერიერს ეძლევა თანამედროვე სახე, ძველი სანათები იცვლება ახალი, დიოდური სანათებით, მემანქანის კაბინა აღიჭურვება თანამედროვე ტიპის მართვის პულტით, ძველი ტიპის მექანიკური, კონტაქტორული დეტალები იცვლება თანამედროვე სტანდარტების მიკროპროცესორული სქემებით აღჭურვილი კვანძებით.

განახლებულ ვაგონებში უკვე დამონტაჟდა ბაქანის საკონტროლო და შიდა დაკვირვების კამერები, ასევე, თითოეული მათგანი აღიჭურვა მონიტორებით.

პროექტის მიზანი თბილისის მეტროს მგზავრებისთვის უსაფრთხო და კომფორტული სერვისის შეთავაზებაა.
წყარო: newposts.ge
ვაგონების მოდერნიზაცია თბილისის მეტროში
скачать dle 10.5фильмы бесплатно
Загрузка...
კომენტარის დატოვება
ჩვენ Facebook-ზე

გამოკითხვა
როგორ მუშაობს საიტი?
loading...
Загрузка...