ავტორიზაცია
 
  • 18:09 – "მიშა ახია შენზე გირგვლიანის საქმეზე" 
  • 17:21 – ლარის ახალი გაცვლითი კურსი 
  • 00:17 – ბიძინა ივანიშვილის ნათესავი საფრანგეთის კლინიკაში უსახსრობის გამო გარდაიცვალა 
  • 23:25 – მიხეილ სააკაშვილი განცხადებას ავრცელებს 
loading...
Загрузка...

დუკანის 7 დღიანი რევოლუციური დიეტა – არავითარი შიმშილობა! (იხ.ვიდეო)

.
დუკანის 7 დღიანი რევოლუციური დიეტა  – არავითარი შიმშილობა! (იხ.ვიდეო)
დუკანის 7 დღიანი რევოლუციური დიეტა  – არავითარი შიმშილობა! (იხ.ვიდეო)დუკანის 7 დღიანი დიეტა “საფეხური” – არავითარი შიმშილობა
ბოლო დროს ყველა ალაპარაკდა დუკანის 7-დღიანი დიეტის შესახებ. ინტერნეტში ვრცელდება “დღის შოუს” ოცწუთიანი ჩანაწერი-მსჯელობა და ის მრავალმა საიტმა გადაიღო, მაგრამ ტექსტის სახით ჯერ არსად შემხვედრია, ამიტომ გადავწყვიტე “თავი გადამედო”, ბოლომდე მეყურებინა და შემდეგ ჩაწერილი თქვენთვის გამეზიარებინა (თქვენი არ ვიცი და მე დაწერილი უფრო მომწონს ხოლმე).


მაშ ასე: დიეტის განმავლობაში ჭამთ ყველაფერს, რაც ჯანმრთელობისთვისაა აუცილებელი, ამიტომ იკლებთ ჯანსაღად. ეს არის მშრალი დიეტა – დიეტის განმავლობაში არ იღებთ წვნიან საჭმელებს. ტკბილის მონდომებისას შეგიძლიათ დაღეჭოთ უშაქრო საღეჭი რეზინი. არ არის შეზღუდული დღის განმავლობაში საკვების რაოდენობა და მიღების დრო – შეგიძლიათ ჭამოთ რამდენიც მოგინდებათ და როცა მოგინდებათ, ოღონდ, ცხადია, იმ დღის პროდუქტი. შეგიძლიათ თავისუფლად მიიღოთ რძის დაბალპროცენტიანი (0,5-0%) ნებისმიერი პროდუქტი (მათ შორის ტკბილი ხილის იოგურტებიც). დიეტა თანაბრად ეფექტურია როგორც ქალების, ისე მამაკაცებისთვის.

დიეტის დაცვისას აუცილებელი პირობებია:
დღის განმავლობაში მინიმუმ 2 ლიტრი წყლის დალევა
შვრიის ქატოს მიღება – დღეში კოვზნახევარი (შეიძლება მიიღოთ როგორც ფაფის სახით, ასევე პურად გამომცხვარი)
დღეში 20 წუთის განმავლობაში სწრაფი სიარული, რომელიც თანდათან გაიზრდება 45 წუთამდე
დღე პირველი

ხორცის პროდუქტები (გარდა ბრტყელცხვირიანი ფრინველებისა (იხვი, ბატი), ღორის და ცხვრის ხორცისა) და ნებისმიერი თევზეული (მათ შორის კონსერვირებულიც, შებოლილიც და ა.შ.). ხორციდან შესაძლებელია მჭლე ლორიც, რომელსაც არ აქვს ცხიმისა და კანის ფენა.

დღე მეორე

პირველ დღეს ნებადართული პროდუქტებიდან ნებისმიერი;

გარდა ამისა ემატება ბოსტნეული (მათ შორის სოკოც) – მოთუშულიც, მოხარშულიც და უცხიმოდ შემწვარიც. ასევე შესაძლებელია “bonduelle”-ს ტიპის მზა კონსერვირებული ბოსტნეულიც.

დღე მესამე

პირველ და მეორე დღეს ნებადართული პროდუქტები

გარდა ამისა, ემატება ხილი (დღის მანძილზე ერთი ვაშლი, ერთი მსხალი ან ერთი ფორთოხალი, ან სამი საშუალო ზომის მანდარინი)

დღე მეოთხე

პირველ სამ დღეს ნებადართული პროდუქტები

გარდა ამისა ემატება მსხვილად დაფქვილი ხორბლისგან გამომცხვარი პური (ორი ნაჭერი დღის განმავლობაში)

დღე მეხუთე

პირველ ოთხ დღეს ნებადართული პროდუქტები

გარდა ამისა ემატება ნაკლებცხიმიანი ყველი 100-150 გრამი, წყალგადავლებული და ქაღალდით შემშრალი

დღე მეექვსე

ყველა წინა ნებადართულ პროდუქტს ემატება სახამებლის შემცველი პროდუქტები (მაკარონი, ბარდა, სოიო, კარტოფილი, ლობიო)

დღე მეშვიდე – ჯილდო ორგანიზმს

ყველა წინა ნებადართულ პროდუქტს ემატება ნებისმიერი ტკბილეული დღის განმავლობაში ერთჯერადად (ტორტი, ნამცხვარი, ნაყინი და ა.შ. )

მეშვიდე დღის შემდეგ დაკლებული კილოგრამების სტაბილიზაციისთვის (ანუ წონის შესანარჩუნებლად) ვიმეორებთ ან მთელ კვირას, ან პირველი დღის მენიუს მაინც!

წარმატებულ წონის კლებას გისურვებთ.

წყარო
скачать dle 10.5фильмы бесплатно
Загрузка...
კომენტარის დატოვება
ჩვენ Facebook-ზე

გამოკითხვა
როგორ მუშაობს საიტი?
loading...
Загрузка...